TRAJECTUM

I.

TRAJECTUM

geminum: superius quod ad Mosam, et inferius ad Rhenum nominatur. Superius Maestricht vocatur, urbs Germaniae inferioris in Brabantia, a Colonia 12. leuc. in Occasum, Antwerpiam uresus, a Leodio 4. leuc. in Boream, quot ab Aquisgrano in Occidentem. Baudrando antea Obtricum, urbs alias Eburonum: vetustate, opibus et situ celeberrima. Episcopalis olim, a quo Tungrorum urbs a Barbaris sub Attila, A. C. 451. destructa est, tum enim S. Servatius, melius Aravatius, saeculô 5. Traiecti sedem constituit, donec saeculô 8. Leodium illa translata est, in nltionem occisi a civibus Lamberti. Valesius habet, quia urbs a Normannis incensa. Erat prius in ditione Leodiensi, e regione oppidi Vici, Limburgensis Ducatus. Sed ab Episcopo Leodiensi vendita Carolo V. Hispanis paruit, donec A. C. 1633. fortiter expugnata fuit ab Hollandis. Urbs permunita, 2. leuc. a Tungris in Ortum, In Gallorum potestatem venit, A. C. 1673. Vide Guicciard. Hist. Belg. etc. Galli quidam scriptores Traiectum hoc beneficiis regiis adnumerant, et sub Carolo Simplice, villam publicam fuisle teferunt. Habet urbs pontem longissimum Mosae impositum, et ultra hunc unam e suis regionibus, quae Vicus nuncupatur, vulgo Vic. Hadr. Vales. Notit. Gall. Patria fuit Landeberti Tungrorum Episcopi, diciturque etiam Traiectum Tungrorum. Idem. Inferius Utrecht, urbs ampla Germaniae inferioris in Baravis, a Colonia 23. leucis in Boream distans, a priore Traiecto 21. leucis in Boream et Graeciam recedens. Ultraiectum quoque Latine dicitur. Cum Academia. Caput dominii Ultraiectensis. Media inter Arenacum Neomagumque ad ORtum, et Lugdunum Batav. ad Occasum. Iuxta Valesium, primo Bataviae attributa haec urbs, dein Frisiae citeriori, parti Bataviae a Frisiis occupatae: hodie caput est unius ex septem Belgii Foederati provinciis. Olim Antonina ex vetere inscriptione. Hîc Willibrordus, Clemens dictus, iussu Pippini, Episcopatus sedem constituit, Ecclesiamque aedificavit. Dicitur Uirecht incolis, quasi Ulterius Traiectum: Hôc autem nomine utraque urbs a Romanis et Gallis, qui Latine loquebantur, insiguita est: quod essent ad traiectum, seu ad transitum fluminis. Traiectum autem hoc Coloniae metropoli ademit, et ex Episcopatu Archiepiscopatum fecit Paulus IV. A. C. 1559. attribuens ipsi quinque novos Episcopatus, Hatlemensem, Daventriensem, Leowardiensem, Groningensem et Middelburgensem: sed aliud sequentia tempora suasêre. Continet regio, cum Traiecto et Dorestado, vulgo Dversted, olim Batavoduro, tria alia oppida. Hadr. Vales. Notit. Gall. Vide Ultraiectum. Traiecti decessit Conradus II. Imperator. A. C. 1039. ut et Henricus V. Imperator. A C. 1122. Contra Gallum et Traiectenses feliciter pugnavit Vilhelmus Hollandiae Comes A. C. 1324. Excommunicavit Iohannem Hollandiae Comitem Episcopus Traiectensis, et Frisiis remissionem peccatorum, si contra illum pugnarent, pollicitus, frustra fuit, hi enim a Comite superati sunt, A. C. 1297. Vide Marth. Vossium, Annal. Holl. l. 4. et 5. adde Cl. Ottonem ICtum, Notis in B. Rhenanum, p. 634.

II.

TRAJECTUM

item Francorum geminum: Unum ad Moenum in Francona, emporium maximum et urbs libera, a Moguntia 4. leuc. a Spira 12. Alterum ad Oderam in Marchia. Utrumque vulgo Frankfurd. Et et Traiectum Suevorum, Schweinfurt, ad

Moenum, libera, inter Carolostadium 5. et Bambergam ad Ortum 6. ab Herbipoli 6. in Caeciam.

III.

TRAJECTUM

urbs Terrae laboris, prope ostia Liris fluv. Crevit ex ruderibus Mintutnae. media inter Carinulam ad Ortum, et Caetam ad Occasum 8. mill. pass. utrinque, 2. ab ora Sinus Formiani. Parva est, et incolis rata; Vulgo Traietto.